Dori vositalari sifatini nazorat qilish va standartlashtirish laboratoriyasi standartlashtirish, metrologiya, dori vositalari, diagnostika vositalari, tibbiy buyumlar va tibbiy texnika sifatini nazorat qilish va sertifikatlash bo'yicha Markazning ajralmas qismidir.  Laboratoriya 1992 yilda O'zbekiston Respublikasi Sog'liqni saqlash vazirligining 379-sonli buyrug'i bilan tashkil etilgan.

Laboratoriya tarkibi:

Laboratoriyada jami 59 nafar xodim ishlaydi. Ularning 43 nafari oliy ma'lumotli, 8 nafari fan nomzodlari. Laboratoriyaning barcha xodimlari "ISO / IEC 17025: 2005 standartlariga muvofiq sinov va kalibrlash laboratoriyalarining vakolatlarini baholash" yo'nalishi bo'yicha malaka oshirish kurslarining sertifikatiga ega. O'zbekiston Respublikasining "Muvofiqlikni baholash to'g'risida", "Mahsulotlar va xizmatlarni sertifikatlashtirish to'g'risida" gi qonunlariga muvofiq, muvofiqlikni baholash sohasidagi barcha laboratoriya mutaxassislari Davlat reestrida ro'yxatdan o'tgan muvofiqlik sertifikatlariga ega.  Laboratoriya xodimlari mamlakatimizda va chet elda o'tkaziladigan treninglar, konferentsiyalar, seminarlarda qatnashadilar.

Laboratoriyaning asosiy vazifalari:

• dori vositalari, diagnostika vositalari va tibbiy buyumlarning sifatini davlat nazoratidan o'tkazish, dori vositalarini standartlashtirish bo'yicha ekspert va tadqiqot ishlarini olib borish, yangilarini ishlab chiqish, mavjud sifat nazorati usullarini takomillashtirish va unifikatsiyalash, shuningdek yangi dori vositalarini yaratish.

Kuzatuv guruhi

1996 yilda O'zbekiston Respublikasida ro'yxatdan o'tkazilayotgan va qayta ro'yxatdan o'tkazilayotgan dori vositalari, diagnostika va tibbiy mahsulotlar sifatini nazorat qilishni yaxshilash maqsadida Dori vositalari sifatini nazorat qilish va standartlashtirish laboratoriyasida maxsus Kuzatuv guruhi tashkil etildi.

 

Kuzatuv guruhi quyidagi yo'nalishlar bo'yicha tahlillar o'tkazadi:

• sertifikatlash testlari;
• tegishli tartibda ro'yxatdan o'tkazish uchun taqdim etilayotgan substantsiyalar va ishlab chiqarish maqsadlarida foydalanishga ruxsat berish uchun taqdim etilgan in-bulk mahsulotlarining kimyoviy tahlilini o'tkazish;
• Huquqni muhofaza qilish organlari murojaatlari bilan ishlash bo’limi tomonidan yuborilgan dori-darmonlar namunalarni tahlil qilish.

"TurkAK" kompaniyasi mutaxassislari tomonidan laboratoriyani ISO/IEC 17025 standarti bo'yicha xalqaro akkreditatsiyadan o'tkazishga tayyorgarligi tekshiruvi o'tkazildi va laboratoriya tomonidan bu yo'nalishda olib borilgan ishlar ijobiy baholandi. Shuningdek, Laboratoriya "O'zstandart" agentligi tomonidan yillik tekshiruvdan muvaffaqiyatli o'tib kelmoqda.

2013 yil mart oyidan Laboratoriya Global Fund veb-saytida chop etilgan ISO/IEC 17025 standartlariga muvofiq sertifikatlangan farmatsevtika laboratoriyalari ro'yxatiga kiritilgan.

2021yilda Laboratoriya O'z DSt ISO/IEC 17025: 2019 "Sinov va kalibrlash laboratoriyalariga qo'yiladigan umumiy talablar" bo'yicha "Akkreditatsiya markazi" DUKda akkreditatsiyadan muvaffaqiyatli o'tib texnik vakolat va mustaqil faoliyat bo'yicha №O’ZAK.SL.0151 (07.12.2021) sonli sertifikatga ega.

Shu bilan birga, Laboratoriyaning asosiy vazifasi doimo Respublikamiz aholisini yuqori samarali, sifatli va xavfsiz dori-darmon vositalari va tibbiy mahsulotlar bilan ta'minlashdir.

---

Biz bilan bog'lanish:

Tel: (99871) 203-01-01.