Aminov Umarbek Murod o’gli  - Yuridik bo’limi boshlig’i

 Yuridik bo‘lim Markaz faoliyatini huquqiy ta’minlash maqsadida qonunchilikda belgilangan me’yor va mezonlarga muvofiq majburiy tartibda tashkil etilgan mustaqil tarkibiy tuzilma hisoblanadi. Yuridik bo’limi  4 xodimdan iborat bo’lib o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonunchilik hujjatlariga, shuningdek Markazning buyruqlari va Nizomga amal qiladi.

 

Yuridik bo‘lim faoliyatining asosiy yo‘nalishlari:

Markazning huquqni qo‘llash faoliyatida qonun ustuvorligi va qonuniylikni ta’minlashni tashkil etish;

Markaz tomonidan ishlab chiqilayotgan normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish;

Markazning qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida ularning tuzilmalari ishini muvofiqlashtirish;

Markaz xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun
va ahamiyatini, shu jumladan zamonaviy axborot-kommunikatsiya texnologiyalari orqali yetkazishda ishtirok etish;

shartnomaviy-huquqiy va talabnoma-da’vo ishlarini yuritish, Markazning mulkiy va boshqa manfaatlarini ishonchli himoya qilinishini ta’minlash.

 

Yuridik bo‘lim faoliyatining asosiy funksiyalari:

1) Markazning huquqni qo‘llash faoliyatida qonun ustuvorligi
va qonuniylikni ta’minlashni tashkil etish; 

2) Markaz tomonidan ishlab chiqilayotgan normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish, shuningdek Markazning qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida uning tuzilmalari ishini muvofiqlashtirish; 

3) Markaz xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun
va ahamiyatini, shu jumladan zamonaviy axborot-kommunikatsiya texnologiyalari orqali yetkazish

4) shartnomaviy-huquqiy va talabnoma-da’vo ishlarini yuritish, Markazning mulkiy va boshqa manfaatlarini ishonchli himoya qilinishini ta’minlash sohasida:

 Yuridik bo‘limga va uning xodimlariga O‘zbekiston Respublikasi Prezidentining 2017-yil 19-yanvardagi PQ-2733-sonli qarori bilan tasdiqlangan “Davlat organlari va tashkilotlarining yuridik xizmati to‘g‘risida”gi Nizomda yoki boshqa qonunchilik hujjatlarida nazarda tutilmagan funksiyalar yuklatilishiga yo‘l qo‘yilmaydi.

Biz bilan bog’lanish:

Tel.: 71 203-01-01

e-mail: farmkomitet@ssv.uz