Ispaniyaning “Dori vositalari va tibbiy buyumlar agentligi” (AEMPS) qaroriga binoan, Ispaniyaning Labaratorio Miquel Y Garriga Inc, S.L. korxonasi tomonidan ishlab chiqarilgan “Tutukon Neo ichish uchun eritma 250 ml” (flakonlarda) dori preparatining “Zarur ishlab chiqarish amaliyoti (GMP)” talablari buzilgan holda ishlab chiqarilganligi aniqlangan.

O‘zbekiston Respublikasi Sog‘liqni saqlash vazirligi huzuridagi “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” yuqoridagi maʼlumotga asosan, O‘zbekiston Respublikasi hududiga kirib kelgan quyidagi: R-049, R-050, R-051, R-078, R-080, R-222, R-236, R-081, R-124, R-204, R-205, R-206, R-218, R-219, R-220, R-221, R-223, R-224, R-225 seriyalarini farmatsevtika bozoridan muomaladan qaytarib olinayotganligini maʼlum qiladi.

Shu o‘rinda aytish joiz, Ispaniyaning “Dori vositalari va tibbiy buyumlar agentligi” (AEMPS)nining tasnifiga ko‘ra, ushbu talablarni buzilganligi bemor uchun jiddiy yoki hayotiy xavf tug‘dirmaydigan 2-sinf “sifat nuqsoni”ga tegishli ekanligi va bu borada yurtdoshlarimiz xavotirga tushmasliklarini so‘raymiz.

Davlat markazi Axborot xizmati