Markaz laboratoriyasi ishchi patogen shtamm mikroorganizmlari bilan ishlash va ularni saqlash uchun navbatdagi maxsus ruxsatnomalarni oldi

Yurtimizda aholi salomatligini muhofaza qilish, biologik xavfsizlikni ta’minlash hamda farmatsevtika sohasida ilmiy tadqiqotlarni rivojlantirishga alohida e’tibor qaratilmoqda. Shu maqsadda sohaga doir xalqaro talab va standartlarga muvofiqlikni ta’minlash, markaz laboratoriyalarining imkoniyatlarini yanada kengaytirish yuzasidan tizimli chora-tadbirlar amalga oshirilmoqda.

Kuni kecha, Farmatsevtika mahsulotlari xavfsizligi markazining “Vaksina, zardob preparatlari va mikrobiologik tahlil” laboratoriyasi Sanitariya-epidemiologik osoyishtalik va jamoat salomatligi qo‘mitasining markaziy apparati Biologik xavfsizlik qoidalariga amal qilinishini nazorat qiluvchi markaziy komisiyasi tomonidan III-IV guruhga mansub ishchi patogen shtamm mikroorganizmlari bilan ishlash hamda ularni saqlash uchun navbatdagi №21, №62 sonli ruxsatnomalarni oldi.

Ushbu ruxsatnomalar respublikamizda yuqumli kasalliklarga qarshi samarali chora-tadbirlar ko‘rish, vaksinalar hamda immunobiologik preparatlar sifatini nazorat qilish tizimini yanada takomillashtirishda muhim ahamiyat kasb etadi. Hozirgi global tahdidlar davrida biologik xavfsizlikni ta’minlash masalasi nafaqat soha mutaxassislari, balki jamoatchilik uchun ham dolzarbdir.