Guvohnomani olish uchun ariza beruvchi Davlat muassasiga quyidagilarni taqdim etilishi lozim:

O‘zbekiston Respublikasi Vazirlar Mahkamasining 2018-yil 23-martdagi 213-son qaroriga ilova “Dori vositalari, tibbiy buyumlar va tibbiy texnikani davlat ro‘yxatidan o‘tkazish hamda ro‘yxatdan o‘tkazilganlik guvohnomasi berish tartibi to‘g‘risida”gi Nizomning 10-bandi a) va b) kichik bandiga muvofiq:

- a) ushbu Nizomning 2- (dori vositalari uchun) va 2a- (tibbiy buyumlar va tibbiy texnika uchun) ilovalariga* muvofiq shakl bo‘yicha ariza;

- b) ushbu Nizomning 3 (dori vositalari uchun) va 3a (tibbiy buyumlar va tibbiy texnika uchun) ilovalarida* nazarda tutilgan ketma-ketlikda har birini alohida yuklagan holda tegishli ravishda ariza beruvchining elektron imzosi bilan tasdiqlangan dori vositalari, tibbiy buyumlar yoki tibbiy texnikani ro‘yxatdan o‘tkazish hujjatlarining elektron shakli.

Guvohnomani olish uchun ariza beruvchi Davlat muassasiga quyidagilarni taqdim etilishi lozim:

O‘zbekiston Respublikasi Vazirlar Mahkamasining 2018-yil 23-martdagi 213-son qaroriga ilova “Dori vositalari, tibbiy buyumlar va tibbiy texnikani davlat ro‘yxatidan o‘tkazish hamda ro‘yxatdan o‘tkazilganlik guvohnomasi berish tartibi to‘g‘risida”gi Nizomning 10-bandi a) va b) kichik bandiga muvofiq:

- v) dori vositasining uch marotaba sinovlar o‘tkazilishi uchun zarur bo‘lgan miqdordagi bir sanoat seriyasidagi namunalari;

- g) tibbiy buyumlar va tibbiy texnikaning normativ hujjatlarga muvofiq sinovlar o‘tkazilishi uchun zarur bo‘lgan miqdordagi namunalari,

- d) faol ta’sir etuvchi moddalarning hamda yot va o‘xshash moddalarning standart namunalari, nazorat materiallari, maxsus reaktivlar va ular sifatini tasdiqlovchi hujjatlar.

Guvohnoma berish to‘g‘risidagi ariza Davlat markazi tomonidan ariza quyidagilardan oshmaydigan muddatlarda ko‘rib chiqiladi:

15 ish kuni — tan olish yo‘li bilan ro‘yxatdan o‘tkaziladigan tibbiy texnika, tibbiy buyumlar va ularning butlovchi qismlari;

60 kun – Jahon sog‘liqni saqlash tashkiloti tomonidan qayta malakalangan dori preparatlari va «in vitro» tashxis tibbiy buyumlari uchun;

120 kun — qadoqlangan va o‘rash-joylash matyerialiga joylangan farmakopeya dorivor o‘sim   lik xomashyosi shaklidagi dori vositalari, bog‘lov matyeriallari, teshish, in’eksiya, transfuziya va so‘rib olishga mo‘ljallangan buyumlar, kontraseptivlar, rezina, rezina mato, lateks, polimyerdan tayyorlangan tibbiy buyumlar, bemorlarga birinchi tibbiy yordam ko‘rsatish, bemorlarni parvarish qilish uchun tibbiy buyumlar.

155 kun — qolgan dori vositalari, tibbiy buyumlar va tibbiy texnika uchun.

Quyidagi muddatlar yuqorida ko‘rsatilgan muddatlarga kiritilmaydi:

dori vositalari, tibbiy buyumlar va tibbiy texnikani ekspyertizadan o‘tkazish jarayonida aniqlangan kamchiliklarni bartaraf etish uchun belgilangan 45 kundan oshmaydigan muddat;

klinik sinovlar o‘tkazish uchun klinik bazalarga ariza byeruvchi tomonidan tegishli tartibda kelishilgan klinik sinovlar dasturlarini, dori vositalari, tibbiy buyumlar va tibbiy texnika namunalarini taqdim etish uchun belgilangan 45 kundan oshmaydigan muddat;

Jahon sog‘liqni saqlash tashkiloti tomonidan qayta malakalangan dori vositalari va «in vitro» tashxis tibbiy buyumlari, tan olish yo‘li bilan ro‘yxatdan o‘tkaziladigan tibbiy texnika, tibbiy buyumlar va ularning butlovchi qismlarini ro‘yxatdan o‘tkazishda laboratoriya sinovlari o‘tkazilmaydi.

Vazirlar Maxkamasining 2018 yil 23 martdagi 213-sonli nizomiga asosida olib boriladi.

Ariza berilgan sanada, BHM tomonidan belgilangan miqdorning 10 baravari miqdorida yig'im undiriladi. Shuningdek,  Guvohnoma berish uchun bazaviy hisoblash miqdorining ikki barobari miqdorida yig‘im undiriladi. Yig‘im summasi Davlat markazi hisobraqamiga o‘tkaziladi.

Dori vositalarini ro'yxatdan o'tkazish 155 kun.

Dori vositalarini ishlab chiqarish maqsadida qo‘llaniladigan substansiyalar, dorixonalarda tayyorlanadigan dori vositalari va tibbiy buyumlar, ilmiy-tadqiqot ishlari uchun olib kiriladigan, klinik oldi tadqiqotlar, klinik tadqiqotlar o‘tkazish, ko‘rgazmalarda, yarmarkalarda, xalqaro anjumanlarda namoyish etish uchun mo‘ljallangan dori vositalari, tibbiy buyumlar va tibbiy texnika ro‘yxatdan o‘tkazilmaydi.

Guvohnomani qayta rasmiylashtirganlik uchun ariza beruvchining guvohnomani berish to‘g‘risidagi arizasi Davlat markazi tomonidan ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi Davlat markazining hisob raqamiga o‘tkaziladi.

Ilmiy-tadqiqot ishlari, klinikadan oldingi, klinik sinovlar, davlat ro‘yxatidan o‘tkazish tartib-qoidalari uchun olib kiriladigan dorixonalarda ishlab chiqarilgan, ko‘rgazmalar, yarmarkalar, xalqaro forumlarda namoyish etiladigan dori vositalari ro‘yxatga olinmaydi.

Qadoqlangan va o‘rash-joylash materialiga joylangan farmakopeya dorivor o‘simlik xomashyosi shaklidagi dori vositalarini o`tkazish-120 kun.

Guvohnomani qayta rasmiylashtirish uchun guvohnomani berish to'g'risidagi arizani ko'rib chiqish uchun to'langan miqdorning yarmi miqdorida yig'im undiriladi.

Guvohnomaning amal qilish muddatini uzaytirish to‘g‘risidagi ariza uning amal qilish muddati tugashidan uch oy oldin Davlat markaziga topshirilishi kerak. Shuningdek, guvohnomaning amal qilish muddatini uzaytirish guvohnomani berish uchun nazarda tutilgan tartibda amalga oshiriladi.