Muhtaram ayollar, aziz onalar, mehribon opa-singillar!

Sizlarni bahorning ilk go‘zal bayrami – 8-Mart, Xalqaro xotin-qizlar kuni bilan chin qalbimdan muborakbod etaman!

Bu nafosat va mehr-muhabbat, ezgulik va olijanoblik timsoli bo‘lgan ulug‘ ayyomda sizlarga cheksiz hurmatim va samimiy ehtiromimni izhor etaman.

Siz, aziz ayollar – hayot go‘zalligi, oila mustahkamligi, jamiyat taraqqiyoti va farovonligining mustahkam tayanchisisiz. Cizning qalbingizda fidoyilik va matonat, mehr va saxovat yashaydi.

Farmatsevtika mahsulotlari xavfsizligi markazi jamoasida ham ko‘plab bilimli, mehnatsevar, tashabbuskor va mas’uliyatli ayollarimiz samarali mehnat qilib kelmoqda. Sohaning rivoji, yurtdoshlarimiz salomatligi yo‘lida ulkan hissa qo‘shmoqda. Biz bunday faol va shijoatli hamkasblarimizdan faxrlanamiz va sizlarning mehnatingizni yuksak qadrlaymiz!

Orzularingiz ro‘yobga chiqsin, yuzingizdan tabassum, qalbingizdan baxt va quvonch arimasin! Doimo yaqinlaringiz ardog‘ida bo‘ling, oilaingiz tinch va farovon bo‘lsin!

Sizlarga sihat-salomatlik, oilaviy baxt va muvaffaqiyat tilayman!

Hurmat ila,

Alisher Temirov

Farmatsevtika mahsulotlari

xavfsizligi markazi direktori