Metrologiya xizmati tomonidan joriy yil fevral oyida 568 ta o‘lchash vositasi qiyoslandi

SSV Metrologiya xizmatiga kelib tushgan arizalar asosida joyiga chiqqan holda, tibbiyot muassasalaridagi 568 ta tibbiy o‘lchash vositalari qiyoslash tekshiruvidan o‘tkazildi.

O‘rganishlar davomida, me’yoriy hujjat talablariga muvofiqligi yuzasidan 413 ta qiyoslanganlik hamda 145 ta attestatsiya guvohnomasi, shuningdek, nomuvofiqligi aniqlangan 10 ta o‘lchash vositasiga yaroqsizlik bayonnomalari rasmiylashtirildi va holat yuzasidan ma’sullarga tegishli ko‘rsatma berildi.

Ma’lumot uchun, Metrologiya xizmati 18 pozitsiyadagi o‘lchash vositalarini qiyoslash hamda 6 pozitsiyadagi sinov vositalarini sinovdan o‘tkazish vakolatiga ega.

Murojaat uchun telefon:

+99871 203-01-01 (ichki 2240 — 2241)