Joriy yilning 18 avgust sanasida Farmasevtika tarmog‘ini rivojlantirish agentligi huzuridagi “Dori vositalari, tibbiy buyumlar va tibbiy texnika ekspertizasi va standartlashtirish davlat markazi”da “Yangi O‘zbekiston – yangi Renessans sari” mavzusida ma’rifiy tadbir tashkil etildi.

Tadbirga mehmon sifatida taklif etilgan Olmazor tumani Din ishlari qo‘mitasining tuman bo‘yicha mutaxasisi Abdug‘affor Qayumov, O‘zbekiston Respublikasi Yozuvchilar uyushmasi a’zosi, yozuvchi-shoir To‘lqin Eshbekov hamda Toshkent shahar Olmazor tumani Ma’naviyat va ma’rifat bo‘linmasi bosh mutaxassisi Nizomiddin Fatxullayevlar ishtirokchilar uchun mavzu yuzasidan ma’ruza qildilar.

Shuningdek tadbir davomida “31 avgust - Qatag‘on qurbonlarini yod etish” mavzusida maxsus rolik taqdim qilindi va uchrashuv yakunida ishtirokchilarni qiziqtirgan savollarga mehmonlar tomonidan javob berildi.

Davlat markazi Axborot xizmati