Vazirlar Mahkamasining 2025-yil 24-noyabrdagi 738-son qaroriga muvofiq:

Farmatsevtika mahsulotlari xavfsizligi markazining dori vositalari va tibbiy jihozlarni davlat ro‘yxatidan o‘tkazishga doir vazifa va funksiyalari bo‘yicha o‘z ichki idoraviy
hujjatlari qayta ko‘rib chiqiladi;

dori vositalarining sifati, xavfsizligi va samaradorligini baholash jarayonida ishtirok etuvchi kadrlar tarkibi qayta ko‘rib chiqiladi va Markazni malakali kadrlar bilan to‘ldirish, ularni davriy rotatsiya qilish, Markaz faoliyatiga doimiy asosda faoliyat yurituvchi tajribali xorijiy ekspertlar jalb etish choralari ko’riladi;

original dori vositalarining klinik sinovlari, jenerik dori vositalarining dori shaklidan kelib chiqqan holda, uning bioekvivalentligini o‘rganish va baholash tartibini “Inson uchun
qo‘llaniladigan dori vositalariga qo‘yiladigan texnik talablarnі uyg‘unlashtirish bo‘yicha xalqaro kengash (ICH)" talab va tavsiyalari asosida ishlab chiqilib tasdiqlanadi.